Сення, 15 мая, у Беларусі адзначаецца Дзень сям'і
15.05.2024
Сям’я — гэта тое, што фарміруе нас як асобу. Яна дае нам сілы, і для многіх людзей гэта менавіта тое, што дапамагае рухацца далей, ратуе ў цяжкія хвіліны.
Сям’я — аснова любой дзяржавы, фактар стабільнасці і развіцця грамадства. Яна фарміруе светапогляд чалавека, вызначае яго жыццёвыя каштоўнасці, захоўвае традыцыі продкаў.
Прыміце нашы самыя шчырыя віншаванні. Няхай ніякія вятры не змогуць пагасіць полымя хатняга ачага, няхай сапраўдныя любоў і цяпло, якія дорыць толькі сям’я, суправаджаюць вас уна ўсім жыццёвым шляху!
Асаблівыя словы падзякі — шматдзетным сем’ям, сем’ям з прыёмнымі дзецьмі за шчодрасць душы, бацькоўскую працу, цярпенне і клопат. А маладым сем’ям ад усёй душы жадаем мацаваць і прымнажаць сямейныя традыцыі, гадаваць і выхоўваць дзяцей – нашу будучыню.